O‘zbekistonlik xalqaro grossmeyster Gulruhbegim Tohirjonova AQSH shaxmat federasiyasi a’zosiga aylandi. 21 yoshli shaxmatchi AQSHning Missuri universiteti jamoasi safida dona surmoqda va bundan keyin xalqaro musobaqalarda Amerika sharafini himoya qiladi.
«Daryo» muxbiri Gulruhbegimning bu tanloviga nima sabab bo‘lganini aniqlash maqsadida sportchining otasi Alisher Mo‘minov bilan bog‘landi.
«Gulruhbegim AQSH shaxmat federasiyasi a’zosiga aylandi. U 21 yoshga kirdi va bu borada o‘zi qaror chiqardi. Fuqaroligini o‘zgartirgani yo‘q, u hali ham O‘zbekiston fuqarosi. Faqat musobaqalarda AQSH nomidan qatnashadi.
AQSH federasiyasi qizimga barcha sharoitlarni yaratib bermoqda. Masalan, hozirda u Missuri universitetiga tahsil olmoqda. AQSH olti yillik o‘qishi uchun 150 ming dollar mablag‘ ajratgan. Barcha xarajatlari, xususan, musobaqalarga borishi xarajatlari ham qoplab berilmoqda, murabbiylar bilan ta’minlanmoqda.
O‘zbekiston shaxmat federasiyasiga bunday o‘yinchilar kerak emas! Federasiya Guruhbegimning opalari Xulkar va Nafisani terma jamoadan chiqarib yuborish uchun bor imkoniyatini ishga soldi va shunga erishdi. O‘zimizning federasiyaga kerak bo‘lmasa, biz nima qila olamiz?
Qaytaraman, bu qizimning qarori. Men ota sifatida uning qarorini qo‘llab-quvvatladim. Yana bir jihat, federasiya almashtirish murakkab ish emas. Agar u O‘zbekistonga haqiqatda kerak bo‘lsa, qaytib kelishi mumkin», — deydi Alisher Mo‘minov.
«Daryo» muxbiri bu masalada O‘zbekiston shaxmat federasiyasining ham munosabatini bilishga urindi. Biroq federasiya saytida keltirilgan +998 71 241 12 00, +998 71 231 25 69 raqamlariga ulanishning iloji bo‘lmadi.
Ta’kidlash joiz, Gulruhbegim ayollar o‘rtasida 2018 yilgi Jahon chempionatida qatnashib, chorak finalga qadar yetib borgan va unda bo‘lajak chempion Szyuy Venszyunga yutqazib qo‘ygandi.
Ma’lumot uchun, Alisher Mo‘minovning uch nafar qizi — Nafisa Mo‘minova, Xulkar va Gulruhbegim Tohirjonovalar professional shaxmatchi hisoblanadi. Nafisa Mo‘minova 2013 yilda xalqaro grossmeyster maqomini olgan va bu borada O‘zbekistondagi ilk ayol grossmeysterga aylangandi. Uning singillari ham qator xalqaro musobaqalar g‘olibi hisoblanadi. Ayni vaqtda Nafisa Mo‘minova Yevropaning nomdor shaxmat klubida o‘z faoliyatini davom ettirmoqda.
| 05/02 13:00 | Iroq | 2-4 | Eron | ||
| 05/02 17:00 | Indoneziya | 5-3 | Yaponiya | ||
| 07/02 00:45 | Verona | - | Piza | ||
| 07/02 01:00 | Lids | - | Nottingem Forest | ||
| 07/02 01:00 | Selta | - | Osasuna | ||
| 07/02 17:30 | Man. Yunayted | - | Tottenhem | ||
| 07/02 18:00 | Rayo Valyekano | - | Real Ovyedo | ||
| 07/02 20:00 | Bornmut | - | Aston Villa | ||
| 07/02 20:00 | Arsenal | - | Sanderlend | ||
| 07/02 20:00 | Byornli | - | Vest Xem | ||
| 07/02 20:00 | Fulhem | - | Everton | ||
| 07/02 20:00 | Vulverhempton | - | Chelsi | ||
| 07/02 20:15 | Barselona | - | Malyorka | ||
| 07/02 22:00 | Jenoa | - | Napoli | ||
| 07/02 22:30 | Nyukasl | - | Brentford | ||
| 07/02 22:30 | Sevilya | - | Jirona |
AQSH shaxmat federasiyasi vakiliga aylangan Gulruhbegim Tohirjonovaning otasi: «O‘zimizning federasiyaga kerak bo‘lmasa, biz nima qila olamiz?»
AQSH shaxmat federasiyasi vakiliga aylangan Gulruhbegim Tohirjonovaning otasi: «O‘zimizning federasiyaga kerak bo‘lmasa, biz nima qila olamiz?»
| Baho: |
+ | -
|
Rukn: Yangiliklar
Manba: daryo.uz
Kiritildi: 09:04, 25.12.2020.
O'qildi: 7528 marta.
Fikrlar: 1 ta.
O'qildi: 7528 marta.
Fikrlar: 1 ta.
Eng ko'p o'qilgan yangiliklar
«Real»dan super yurish: 65 millionlik futbolchi 9 millionga qaytarib olinyapti [10558]
Mbappening onasi "Real"ning sakkizta futbolchisidan ko‘proq maosh oladi [6297]
«Barselona»ning sobiq futbolchisi: «Real» - mening sevimli jamoam, Ronaldu - dunyoning eng yaxshisi» [2751]
Eldor Shomurodov Turkiyaning grand klubiga o‘tishi mumkin [2115]
Gvardiola: "Gexiga maosh beramiz, ammo u o‘ynay olmaydi. Tushunmadim" [2055]
Gvardiolaning Gexi bo‘yicha rejalari puchga chiqdi [2001]
Zo'r TV telekanali 5-fevral kuni Ispaniya kubogi bahsini jonli translyasiya qiladi [2000]
«Real» Endrik bo‘yicha bir qarorga keldi [1900]
"Real" "PSJ" yarimhimoyachisini o‘z safiga qo‘shib olmoqchi [1656]
«Krishtianu — bu Krishtianu»: Azar nima uchun Ronaldu kabi yashashni istamaganini tushuntirdi [1581]
| Asosiy saxifa |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar. |
|
|