"Pari Sen-Jermen" rahbariyati nima uchun bosh murabbiy Tomas Tuxelni iste’foga chiqargani ma’lum bo‘ldi.

Matbuotda tarqatilgan xabarga ko‘ra, sabablardan biri — germaniyalik mutaxassis klub sport direktori Leonardo bilan mojaroga borgan. Uzoq vaqt davomida ular transfer borasida bir-birlarini qo‘llab-quvvatlashmagan. Funksioner Tuxel talab qilmagan o‘yinchilarni xarid qilgan.

Ikkinchi sabab — Tuxel o‘z intervyusida «PSJ» rahbariyatini tanqid qilgan. Mutaxassis muvaffaqiyatli kechgan o‘tgan mavsumdan so‘ng klub murabbiyni va futbolchilarni yetarlicha qo‘llab-quvvatlamaganini aytgan.

Uchinchi sabab — jamoaning ichki muhiti yaxshi bo‘lmagan. «Istanbul»ga qarshi o‘yinda hakam tomonidan yo‘l qo‘yilgan irqchilikdan so‘ng Tuxel futbolchilardan maydondan qaytishni so‘ragan. Murabbiyning ushbu talabi o‘yinchilarga yoqmagan. Shu bois, hozirgacha jamoadagi muhit yaxshi emas.