Madridning «Real» klubi bosh murabbiyi Zinedin Zidan jamoa futbolchilari Marselo va Iskolar haqida fikr bildirdi.

– Marselo va Iskolarni tarkibga kiritmaslik qanchalar og‘riqli?

– Menga og‘ir albatta, chunki bu futbolchilar o‘ynashni xohlashmoqda. Har bir futbolchi maydonga tushishni xohlaydi. Albatta, Marselo va Isko bilan bog‘liq vaziyat biz qancha qiyinchiliklarni boshdan kechirganimizni hisobga olganda qiyin.

Bu men qabul qilishim kerak bo‘lgan murabbiylik ishining yomon bir qismidir. Har bir o‘yin uchun tarkib tayyorlab chiqishimiz kerak.

Men har bir futbolchimga reja tuzaman. Marselo va Iskolar – «Real» futbolchilari. Ularning jamoadan ketishi haqida o‘ylashi yoki o‘ylamasliklarini bilmayman, men bunga ta’sir qila olmayman. Shuni aytishim mumkinki, ular mashg‘ulotlarda ajoyib tarzda ishlayapti. Ular juda professional va o‘z ishlariga jiddiy munosabatda bo‘lishmoqda, – dedi Zidan.