Мадриднинг «Реал» клуби бош мураббийи Зинедин Зидан жамоа футболчилари Марсело ва Исколар ҳақида фикр билдирди.
– Марсело ва Исколарни таркибга киритмаслик қанчалар оғриқли?
– Менга оғир албатта, чунки бу футболчилар ўйнашни хоҳлашмоқда. Ҳар бир футболчи майдонга тушишни хоҳлайди. Албатта, Марсело ва Иско билан боғлиқ вазият биз қанча қийинчиликларни бошдан кечирганимизни ҳисобга олганда қийин.
Бу мен қабул қилишим керак бўлган мураббийлик ишининг ёмон бир қисмидир. Ҳар бир ўйин учун таркиб тайёрлаб чиқишимиз керак.
Мен ҳар бир футболчимга режа тузаман. Марсело ва Исколар – «Реал» футболчилари. Уларнинг жамоадан кетиши ҳақида ўйлаши ёки ўйламасликларини билмайман, мен бунга таъсир қила олмайман. Шуни айтишим мумкинки, улар машғулотларда ажойиб тарзда ишлаяпти. Улар жуда профессионал ва ўз ишларига жиддий муносабатда бўлишмоқда, – деди Зидан.
