Braziliyaning «Botafogo» klubi yarim himoyachisi Keysuke Xonda yaqin vaqtlar ichida jamoasini o‘zgartiradi.
tsf.pt saytining tarqatgan ma’lumotiga qaraganda, yaponiyalik futbolchi Portugaliyaning «Portimonens» klubida davom ettiradi. Bu xabarni Portugaliya klubi prezidenti tasddiqladi.
«Men bu futbolchini yaxshi taniyman, uning yoshi katta bo‘lishiga qaramay, qadrli futbolchi sanaladi. Istalgan klub Xondani o‘z safida ko‘rishni xohlaydi. Shartnomaning mayda shartlarini kelishib olsak, u bilan shartnoma tuzamiz», - dedi Rodini Sampayo.
«Botafogo» safida Xonda joriy mavsum 20 ta o‘yinda maydonga tushdi va 3 ta gol kiritdi. 34 yoshli yaponiyalik futbolchining Braziliya klubi bilan amaldagi shartnomasi 2021 yilning 28 fevral kuni yakunlanadi.
