Angliyaning «Manchester Yunayted» klubi rahbariyati o‘z himoyachisi Timoti Fosu-Mensaga 2024 yilning yozigacha mo‘ljallangan shartnoma taklif qildi. Biroq, Timoti bu taklifni qabul qilishga shoshilmayapti.
Fosu-Mensa «Manchester Yunayted» tarbiyalanuvchisi sanaladi. U "qizil iblislar"ning asosiy tarkibidagi debyut o‘yinini 2016 yilning fevralida o‘tkazgan va shu kungacha 30 ta o‘yinda maydonga tushdi.
Timotining amaldagi shartnomasi shu mavsumning oxirida yakunlanadi, shu sababli «Manchester Yunayted» o‘z tarbiyalanuvchisini tarkibda olib qolmoqchi.
Fosu-Mensa muntazam ravishda maydonga tushishni xohlamoqda, Sulsher esa unga ishonch bildirmayapti. Shuning uchun u «Old Trafford»ni yanvar oyida tark etmoqchi.
