"Liverpul" bosh murabbiyi Yurgen Klopp Angliya chempionatining 16-turi doirasida bo‘lib o‘tgan "Nyukasl"ga qarshi o‘yin (0:0) borasida o‘z fikrini bildirib o‘tdi.

"APLda faqat yaxshi jamoalar o‘ynaydi. Bizda gol urish uchun ajoyib imkoniyatlar bo‘ldi. Raqib kuchli. Ochko yo‘qotilgan o‘yinda jamoani maqtash kerak emas, deb o‘ylash mumkin, ammo bugungi o‘yin menga yoqdi. Bundan yaxshiroq o‘ynashimiz mumkinmi? Ha, lekin bu o‘yinda g‘alaba uchun keragidan ortiq ishni qildik.

Nazarimda, 4ta yuz foizli imkoniyatga ega bo‘ldik. Bundan avval "Nyukasl"ni kamroq vaziyat yaratgan holda mag‘lub etgan paytlarimiz bo‘lgan. Bugun omadimiz kelmadi. Natijani qabul qilishdan boshqa ilojimiz yo‘q. Bugungi bahsdan qoniqish hosil qildim.

O‘yinchilarning hafsalasi pir bo‘ldi, bu normal holat, lekin gap ularning o‘yinida emas. Ushbu poydevor bilan keyingi haftada, keyingi oyda nimadir quramiz. Ajoyib o‘yin, ammo natija biz kutgandek emas", - dedi Klopp.