E’tiboringizga "O‘LMAS IQTIBOSLAR" loyihasining navbatdagi sonini taqdim etamiz. Bu safar siz "Manchester Yunayted" klubining afsonaviy murabbiyi Ser Aleks Fergyuson tomonidan aytilgan iqtiboslarni o‘qishingiz mumkin.
Ma’lumot uchun, Fergyuson bugun o‘zining tavallud ayyomini nishonlamoqda.
“O‘yin oxirida Chempionlar kubogi bizdan olti fut uzoqda bo‘ladi xolos. Ammo mag‘lub bo‘lsak, qo‘limizni ham tekkiza olmaymiz. Oralaringizdagi ba’zilar hatto bu kubokka boshqa bunchalik yaqin kelmasliklari ham mumkin. Bugun g‘alaba uchun bor imkoniyatni ishga solmasdan turib, yana bu kubok ilinjida bu yerga qaytishni umid ham qilmanglar” (1999 YECHL finali tanaffus paytida)
“Mening eng asosiy maqsadim bugungi muammolarni hal qilishgina emas. Mening asosiy maqsadim “Liverpul”ni hozirgi turgan cho‘qqidan pastga qulatish. Xuddi shunday deb bir yerga yozib qo‘yinglar” (80-yillarda)
“La’nati qoshini shunchaki yelimlab qo‘y. Tamom.” (Bekxem bilan bo‘lgan voqeadan so‘ng fizioterapevtga)
“Ular har doim keladilar-da: ”Inglizlar juda kuchli, biz esa ikkinchi qavatda umuman o‘ynay olmaymiz. Biz uni qila olmaymiz, biz buni qila olmaymiz” deb “ashula aytaveradilar”. Va 3:0 hisobida yutib ketadilar” (italiyaliklar haqida)
“Men uni birinchi marta ko‘rganimda 13 yoshlardagi bolakay edi. U maydonda guyoki, shamolda parrakni quvlab yurgandek taassurot uyg‘otardi” (Rayan Giggz haqida)
“Klubdan kimlarni ketayotganining katta ahamiyati yo‘q. Asosiysi, “Manchester Yunayted” nomi bu yerdan hech qayerga ketmaydi”
“Ikkita xolosmi? Menimcha, Arsen Venger bilan Viktoriya Bekxemni otgan bo‘lardim” (“To‘pponchangizda ikkita o‘q bo‘lganida, kimni otgan bo‘lardingiz?” deb so‘rashganda)
“Yana o‘sha gapmi? Veron – ajoyib futbolchi. Sizlar esa ahmoqlar guruhisizlar” (jurnalistlarga)
“Uni aqlli deyapsizlarda-a? Beshta tilda gapira oladi, shundaymi? Jamoamda 15 yoshli afrikalik futbolchi bor. U ham beshta tilni biladi” (Arsen Venger haqida)
“Hech kimni mana shu irlandiyalik kabi qadrlamasam kerak. Ayniqsa, “Del Alpi”dagi o‘yinda u haqidagi tasavvurlarim yanada o‘sdi. Unga sariq kartochka ko‘rsatilib, uning finalni o‘tkazib yuborishi ma’lum bo‘lgach, guyoki, uning kuchi ikki barobar oshib ketdi. Menimcha. Yutqazishdan ko‘ra u o‘shga yerda o‘lardi. Uning harakatlari atrofidagilarni ham ruhlantirdi. Mening ushbu futbolchining muvaffaqiyatlarida xissam borligidan xursandman” (Roy Kin haqida)
“U ofsaydda tug‘ilgan” (Indzagi haqida)
“Uni tanqid qiladiganlar, avval, uning qanday shug‘ullanishini bir ko‘rsalar bo‘lardi” (Ronaldu haqida).
