Turinning «Yuventus» klubi bosh murabbiyi Andrea Pirlo A Seriya doirasida «Udineze» klubiga qarshi bo‘ladigan o‘yindan oldin 2020 yilning so‘nggida «Fiorentina»dan 0:3 hisobida qabul qilib olingan mag‘lubiyatni yodga oldi.
«Dushanba kuni mashg‘ulotlarni boshladik va muvaffaqiyatsiz o‘yindan keyin o‘ziga ishongan futbolchilarimni ko‘rdim. O‘sha o‘yinni muhokama qildik. O‘sha o‘yin hamma narsa noto‘g‘ri edi - ishga bo‘lgan munosabatdan tortib, qolgan har xil mayda detallargacha. Bu 2020 yilning yomon yakuni bo‘ldi. Biz yaxshi va samarali uchrashuv o‘tkazdik, unda kelajakdagi maqsadlarimizni muhokama qildik.
Men boshqa bunday o‘yinimizni ko‘rishni xohlamayman. So‘nggi paytlarda biz ko‘p jihatlarda o‘sishga erishdik», - dedi Pirlo klub matbuot xizmatiga.
«Yuventus» ertaga «Udineze» klubi bilan bahs olib boradi.
