Туриннинг «Ювентус» клуби бош мураббийи Андреа Пирло А Серия доирасида «Удинезе» клубига қарши бўладиган ўйиндан олдин 2020 йилнинг сўнггида «Фиорентина»дан 0:3 ҳисобида қабул қилиб олинган мағлубиятни ёдга олди.
«Душанба куни машғулотларни бошладик ва муваффақиятсиз ўйиндан кейин ўзига ишонган футболчиларимни кўрдим. Ўша ўйинни муҳокама қилдик. Ўша ўйин ҳамма нарса нотўғри эди - ишга бўлган муносабатдан тортиб, қолган ҳар хил майда деталларгача. Бу 2020 йилнинг ёмон якуни бўлди. Биз яхши ва самарали учрашув ўтказдик, унда келажакдаги мақсадларимизни муҳокама қилдик.
Мен бошқа бундай ўйинимизни кўришни хоҳламайман. Сўнгги пайтларда биз кўп жиҳатларда ўсишга эришдик», - деди Пирло клуб матбуот хизматига.
«Ювентус» эртага «Удинезе» клуби билан баҳс олиб боради.
