Angliyaning «Manchester Yunayted» klubi bosh murabbiyi Ole-Gunnar Sulsher Angliya Liga Kubogi 1/2 final bosqichi doirasida «Manchester Siti» klubiga qarshi bo‘lib o‘tadigan o‘yin haidagi fikrlari bilan o‘rtoqlashdi.

«Yarim finalga chiqqanimizdan xursandmiz. Albatta, yarim final – finalga yo‘l olish uchun imkoniyat.

O‘tgan mavsum ushbu bosqichdan o‘ta olmagandik. O‘ylaymanki, o‘sha paytga qaraganda hozir ancha o‘sishga erishdik va finalga yo‘l olishga harakat qilamiz.

APLdagi mavqeimiz haqida gapiradigan bo‘lsam, bizni hali uzoq mavsum kutmoqda. Men haliyam o‘rganishimiz kerak bo‘lgan ko‘p narsalar bor deb o‘ylayman. Ko‘ramiz, mart va aprel oylarida vaziyat qanday bo‘larkin», – dedi Sulsher.

«MYU» va «Manchester Siti» jamoalari o‘rtasidagi o‘yin 6 yanvar kuniga belgilangan.