«Liverpul» bosh murabbiyi Yurgen Klopp «Soutgempton»ga uchralgan mag‘lubiyatdan so‘ng o‘z fikrlari bilan o‘rtoqlashdi. U hakamlarni keskin tanqid qildi.

«Uchrashuvning dastlabki daqiqalari juda omadsiz tarzda boshlandi. Birinchi bo‘limni deyarli boy berdik desak ham bo‘laveradi. Lekin barcha masalani ikkinchi bo‘limda hal qilishimiz mumkin edi. Biroq hakamlar bunga yo‘l qo‘ymadi.

Eng bahslarga sabab bo‘lgan holatlardan biri bu Manega nisbatan ishlatilgan qo‘pollik edi. Bu yerda ko‘pchilik Maneni simulyasiyada ayblamoqda. Meni esa bunga shunchaki kulgim keladi. Qanday qilib yuz foizlik penaltini ko‘rmaslik mumkin?! U balansni ushlolmagani barchaga ko‘rindiku!

Ikkinchi vaziyat ham penaltiga tortar edi. Bu yerda qo‘lga teginish ochiqdan ochiq sodir bo‘ldi. Hech qanday rikashet ham yo‘q edi. APLning qolgan bahslarida bundayin holatlarga odatda hakamlar hech ikkalanmay penalti berishadi. O‘shanda hakamning hushtagi nega jimligi barchaga birdek qiziq.

Men mag‘lubiyatga bu ikki vaziyatni bahona qilmoqchi emasman. Lekin muhim 3 ochkoni qo‘ldan boy berdik. Hech bo‘lmaganda durangga loyiq harakat qilgandik», - deydi Klopp.