«Ливерпуль» бош мураббийи Юрген Клопп «Соутгемптон»га учралган мағлубиятдан сўнг ўз фикрлари билан ўртоқлашди. У ҳакамларни кескин танқид қилди.

«Учрашувнинг дастлабки дақиқалари жуда омадсиз тарзда бошланди. Биринчи бўлимни деярли бой бердик десак ҳам бўлаверади. Лекин барча масалани иккинчи бўлимда ҳал қилишимиз мумкин эди. Бироқ ҳакамлар бунга йўл қўймади.

Энг баҳсларга сабаб бўлган ҳолатлардан бири бу Манега нисбатан ишлатилган қўполлик эди. Бу ерда кўпчилик Манени симуляцияда айбламоқда. Мени эса бунга шунчаки кулгим келади. Қандай қилиб юз фоизлик пенальтини кўрмаслик мумкин?! У балансни ушлолмагани барчага кўриндику!

Иккинчи вазият ҳам пенальтига тортар эди. Бу ерда қўлга тегиниш очиқдан очиқ содир бўлди. Ҳеч қандай рикашет ҳам йўқ эди. АПЛнинг қолган баҳсларида бундайин ҳолатларга одатда ҳакамлар ҳеч иккаланмай пенальти беришади. Ўшанда ҳакамнинг ҳуштаги нега жимлиги барчага бирдек қизиқ.

Мен мағлубиятга бу икки вазиятни баҳона қилмоқчи эмасман. Лекин муҳим 3 очкони қўлдан бой бердик. Ҳеч бўлмаганда дурангга лойиқ ҳаракат қилгандик», - дейди Клопп.