Kataloniyaning «Barselona» klubini bugun ertalabki mashg‘ulotlari murabbiylar orasida koronavirusga chalinganlar aniqlanganligi sababli qoldirilgandi.
Shundan so‘ng, klubning barcha xodimlari, murabbiylar shtabi va futbolchilar qayta test topshirishdi.
Barcha testlar natijasi manfiy chiqdi, deyiladi klubning rasmiy saytidagi bayonotida. Shu sababli, bugungi kunning kechki mashg‘ulotlarida mahalliy soat bilan 18:00 da, Toshkent vaqti bilan esa 22:00da davom ettiriladigan bo‘ldi.
Ertaga «Barselona» La Liga doirasida Bilbaoga safar uyushtirib, «Atletik» klubi mehmoni bo‘ladi.
