Rimning «Roma» klubi bosh murabbiyi Paulu Fonseka A Seriyaning 16-tur doirasida «Krotone» (3:1) klubiga qarshi bo‘lib o‘tgan o‘yin haqidagi fikrlari bilan o‘rtoqlashdi.
«Bu jiddiy o‘yin bo‘ldi, biz raqibni kuchini hurmat qildik. O‘yinning birinchi yarmida juda yaxshi harakat qildik va ikkinchi bo‘limda o‘yinni nazorat qildik. Himoyadan hujumga yanayam yaxshiroq o‘ta olishimiz mumkin, lekin umuman olgandi yaxshi o‘yin namoyish etdik.
Biz uchun eng asosiysi – uch ochkoni qo‘lga kiritdik. Raqibning kim bo‘lishidan qat’iy nazar barcha o‘yinlarda g‘alaba qozonish kerak. «Inter» (10 yanvar kuni o‘yin) ajoyib jamoa va bizni qiyin o‘yin kutib turibdi, lekin biz g‘alaba qozonish uchun harakat qilamiz», – dedi Fonseka Sky Sport Italia bilan suhbatda.
