Ispaniya chempionati jadvalida yuqori o‘rinlarni egallab turgan «Sevilya» va «Real Sosyedad» klublari «Ramon Sanches Pisxuan» stadionida to‘qnash kelishdi.

Uchrashuv juda qizg‘in boshlandi. Bahsning 14-daqiqasiga kelib darvozalarga 4ta to‘p kiritildi — 2:2.

Yusuf en-Nesiriy o‘yin boshida ikkita gol muallifiga aylangan bo‘lsa, ikkinchi taym boshida marokashlik futbolchi "Sevilya"ning uchinchi golini "Sosyedad" darvozasiga joyladi.

Ushbu g‘alaba tufayli andalusiyaliklar o‘z ochkolarini 30taga yetkazib, "Real Sosyedad" bilan tenglashib olishdi.

Ispaniya chempionati, 18-tur
Sevilya – Real Sosyedad 3:2 (2:2, 1:0)
Gollar: 1:0 – 4 En-Nesiri, 1:1 – 5, avtogol Diyego Karlos, 2:1 – 7 En-Nesiri, 2:2 – 14 Isak, 3:2 – 46 En-Nesiri.
Sevilya – Bunu, Kunde, Navas (Aleish Vidal, 70), Diyego Karlos, Akunya, Fernando, Rakitich (Oskar Rodriges, 85), Okampos (Vaskes, 89), Jordan, Suso (Munir, 84), En-Nesiri (de Yong, 89).
Real Sosyedad – Remiro, Munyos, Gorosabel, Sanyan (Le Norman, 46), Subeldiya, Merino, Guridi (Barrenechea, 56), Portu (Yanuzay, 78), Subimendi, Oyarsabal (Lopes, 78), Isak.
Ogohlantirishlar: Munyos (34), Sanyan (39), Guridi (43).