«Shaharliklar» ustozi Pep Gvardiola jamoa yetakchilaridan biri Serxio Aguero haqida so‘nggi ma’lumotlarni berdi. Unga ko‘ra Serxio koronavirusdan hali to‘liq forig‘ bo‘lmagan.

Sky Sports xabariga ko‘ra futbolchi yaqin 10 kun ichida maydonga tusha olmaydi. 10 yanvar sanasida shaxsiy izolyasiyaga olingan futbolchi jamoasining «Brayton» hamda «Kristal Pelas»ga qarshi bahslarini o‘tkazib yuboradi.

Eslatib o‘tamiz, Aguero jarohati sabab o‘tgan yilning oktabridan beri maydonga tusha olmayapti. Joriy mavsum u 9 ta o‘yinda 2 ta gol urishga muvaffaq bo‘lgan.