Angliyalik taniqli hakam Mark Klattenburg "Liverpul" bosh murabbiyi Yurgen Kloppni tanqid qildi. Germaniyalik mutaxassis avvalroq APL hakamlar hakamlari sha’niga tanqid yog‘dirib, "Manchester Yunayted" foydasiga ko‘p penalti belgilanishi haqida gapirgandi.

"Bu oldindan o‘ylangan yurish bo‘lsa, "Liverpul" va "Manchester Yunayted" jamoalari o‘rtasidagi katta o‘yin oldidan referi Pol Tirniga bosim o‘tkazish hisoblanadi. Bitta narsaga oydinlik kiritmoqchiman — hakamlar va rasmiy shaxslar o‘rtasidagi hech qanday til biriktirish yo‘q. Yoki u "MYU" futbolchi raqib jarima maydoni ichida simulyasiya ishlatishiga ishora qilyaptimi?

Agar shunday bo‘lsa, menda ortiqcha vaqt yo‘q. Agar u "Yunayted" futbolchilari har qanday uslub bilan penalti ishlashga harakat qilishini aytmoqchi bo‘lsa, bu ikkiyuzlamachilik hisoblanadi. Axir Muhammad Saloh va Sadio Mane bunday uslubdan muntazam foydalanib kelishadi.

Fergi zamonidan beri katta o‘yin oldidan hakamga bosim o‘tkazish holatini ko‘rmagandik. O‘tgan mavsumda "Liverpul" har hafta g‘alaba qozonayotganida Klopp bunday so‘zlarni aytmagandi. U esa yutqazishni yomon ko‘radi va bundan g‘azablanadi. Ammo hakamlar "MYU" foydasi uchun til biriktirishyapti, deb o‘ylasa, xato qiladi. Jamoani Fergi boshqargan paytda shunday narsa bor edi, hozir esa vaziyat o‘zgacha", - dedi Klattenburg.