"UFA" direktorlar kengashi rahbari Rostislav Murzagulov yarim himoyachi Oston O‘runov jamoasiga qaytishi mumkinligi haqida gapirdi.
"Biz Krishtianu Ronalduni sotib olishga qarshi bo‘lmasdik, Lionel Messini taklif etishga ham qarshi emasmiz. Ularning qatorida Urunovni ham qaytarishdan sira bosh tortmasdik "- dedi Murzagulov.
Eslatib o‘tamiz, o‘tgan yozda O‘runov "UFA"dan "Spartak"ka o‘tgan edi. Oston Moskva klubi tarkibida atigi 9 o‘yin o‘tkazdi va 1 gol kiritdi. Ma’lumot uchun, mavsumning birinchi qismidan so‘ng "UFA" Rossiya Premer-ligasi turnir jadvalida so‘nggi pog‘onani egallab turibdi. Klub chempionatning 19 o‘yinida 13 ochkoni jamg‘arishga muvaffaq bo‘lgan.