O‘zbekiston U-19 termasi bosh murabbiyi Timur Kapadze bir taklif berdi: U-21 jamoalari ishtirokidagi uchrashuvlarni asosiy jamoalar o‘yinidan bir kun oldin emas, bir kun keyin o‘tkazish.
Bu haqda fikrlashdik va quyidagi ijobiy jihatlarni ko‘rdik:
- bunda asosiy jamoa bosh murabbiyida U-21 jamoasi o‘yinini kuzatish uchun ko‘proq imkoniyat bo‘ladi. Chunki bir kun avval u o‘z jamoasining o‘yinoldi mashg‘ulot bilan band bo‘ladi. O‘yindan keyingi kunda esa uning o‘rnini yordamchi murabbiy, jismoniy tayyorgarlik bo‘yicha murabbiy va fizioterapevt bildirmasligi mumkin;
- U-21 jamoasi ham asosiy maydonda, ya’ni, yaxshi maydonda o‘ynash imkoniga ega bo‘ladi. Bunda biz U-21 uchun ajratilgan maydonlarni o‘rganamiz. Maydon talabga javob bermasa, U-21 jamoasi asosiy maydonda o‘ynaydi. Bu esa asosiy maydonini ko‘z qorachig‘idek asraydigan klubga U-21 uchun ham yaxshi maydon qurish majburiyatini yuklaydi. Biz bu borada Superliga klublari fikrlari bilan ham albatta qiziqib ko‘ramiz.
