«Arsenal» bosh murabbiyi Mikayel Arteta «Kristal Pelas»ga qarshi bo‘lib o‘tgan o‘yindan so‘ng o‘z fikrini bildirib o‘tdi.

“Bugun bir nechta gol uramiz va g‘alaba qozonamiz deb o‘ylagan edim, lekin unday bo‘lmadi. Ularda ham imkoniyat bo‘ldi. Uchrashuvning katta qismida charchab qolgandekmiz va biz yomon o‘yin ko‘rsatishni boshladik. To‘pni ushlab turish, uzatish yoki aniq zarba berish kabi oddiy xatoliklarga yo‘l qo‘ydik. Raqib esa bu ishlarni bizdan yaxshiroq bajarishga harakat qildi. Raqib o‘yinning so‘nggi daqiqalarigacha yaxshi jang qildi. Lekin, g‘alaba uchun bu yetarli bo‘lmadi”, -dedi Arteta uchrashuvdan keyingi bergan intervyusida.