Kecha, A Seriyaning 18 turidan o‘rin olgan bahsda «Inter» hamda «Yuventus» jamoalari ro‘baru kelishdi. "Juzeppe Miassa" o‘yingohida kechgan to‘qnashuv Milanliklarning ishonchli(2:0) hisobdagi g‘alabasi bilan tugadi.
Uchrashuvdan so‘ng «Inter» yarimhimoyachisi Arturo Vidal jamoasining g‘alabasi haqida fikr bildirdi.
"Biz uchun Italiyaning eng yaxshi jamoasiga qarshi o‘yin juda qiyin bo‘ldi. "Inter" safidagi birinchi golimni urganimdan juda xursandman. O‘ylaymanki, bugun biz Skudettoni yutishga loyiq ekanligimizni isbotladik.
9 yil ichida eng kuchli jamoani mag‘lub etganimiz, oldinga harakat qilayotganimizdan dalolat beradi va chempionlik maqomiga erishishimiz uchun umid bag‘ishlaydi. Ishonamizki, biz oxirigacha bora olamiz"- deydi Vidal.
Ma’lumot uchun, Vidal 2011-2015 yillarda» «Yuventus» tarkibida harakat qilgan. 2020 yil sentyabr oyida Chililik futbolchi «Inter» bilan erkin agent sifatida shartnoma imzolagan.
