Кеча, А Сериянинг 18 туридан ўрин олган баҳсда «Интер» ҳамда «Ювентус» жамоалари рўбару келишди. "Жузеппе Миацца" ўйингоҳида кечган тўқнашув Миланликларнинг ишончли(2:0) ҳисобдаги ғалабаси билан тугади.
Учрашувдан сўнг «Интер» яримҳимоячиси Артуро Видаль жамоасининг ғалабаси ҳақида фикр билдирди.

"Биз учун Италиянинг энг яхши жамоасига қарши  ўйин жуда қийин бўлди. "Интер" сафидаги биринчи голимни урганимдан жуда хурсандман. Ўйлайманки, бугун биз Скудеттони ютишга лойиқ эканлигимизни исботладик.

9 йил ичида энг кучли жамоани мағлуб этганимиз, олдинга ҳаракат қилаётганимиздан далолат беради ва чемпионлик мақомига эришишимиз учун умид бағишлайди. Ишонамизки, биз охиригача бора оламиз"- дейди Видаль.

Маълумот учун, Видал 2011-2015 йилларда» «Ювентус» таркибида ҳаракат қилган. 2020 йил сентябр ойида Чилилик футболчи «Интер» билан эркин агент сифатида шартнома имзолаган.