“Qo‘qon-1912” jamoasi bugun Farg‘onada davom etayotgan “Viloyat hokimi kubogi-2021”dagi ishtirokini boshladi. Vakillarimizning guruh bosqichidagi birini raqibi – “Andijon” klubi bo‘ldi. O‘yin kutilganidek futbolchilarimizning shiddatli hujumlari bilan boshlandi. 5-daqiqada futbolchilarimiz hisobni ochishdi. Qanotdan oshirib berilgan to‘pni Shohnazar Norbekov boshi bilan raqib darovozasiga joyladi. 22-daqiqada futbolchilarimiz hisobni oshirishlari mumkin edi. Meliyev qulay imkoniyatdan foydalana olmadi. 29-daqiqada jarima to‘pi tepish huquqiga ega bo‘ldik. Murod Xolmuhammedovning kuchli zarbasini raqib posboni katta qiyinchilik bilan bartaraf etdi. 35-daqiqada Norbekov qulay imkoniyatga ega bo‘lgandi. Uning zarbasini raqib darvozaboni qiyinchilik bilan bartaraf qildi. 42-daqiqada Avazxon Mamatxo‘jayev chiroyli uzatma bilan Mo‘min Meliyevni juda qulay vaziyatga chiqargan edi. Mo‘minjonning darvoza tomon yo‘llagan zarbasini andijonlik yosh darvozabon qaytarishga muvaffaq bo‘ldi. 45-daqiqada raqilarimiz hisobni tenglashtirishdi. Davron Farhodov darvozamizni ishg‘ol etdi. Tanaffusga jamoalar shu hisobda chiqib ketishdi.
Ikkinchi bo‘limni ham vakillarimiz faol tarzda boshlashdi. 57-daqiqada futbolchilarimiz hisobda oldinga chiqib olish uchun qulay imkoniyatga ega bo‘lishgan edi. Mo‘min Meliyev deyarli ochiq qolgan darvozaga to‘pni yo‘llagan edi. So‘nggi pallada raqib himoyachisi to‘p yo‘liga to‘g‘anoq bo‘lishga ulgurdi. 74-daqiqada ketma-ket hujumlarimiz samara keltirdi. Zaxiradan maydonga tushgan Sobit Sindarov raqib darvozasini aniq nishonga oldi. 80-daqiqada vakillarimiz raqib darvozasiga uchinchi to‘pni kiritishdi. Gol muallifi – Sardor Azimov bo‘ldi.
O‘ynning oxirgi daqiqalariga qadar hisob o‘zgarishsiz qoldi va shu tariqa vakillarimiz musobaqani g‘alaba bilan boshlashdi.
"VILOYAT HOKIMI KUBOGI- 2021"
"D" guruhi.
1-tur.
“Qo‘qon-1912” – “Andijon” – 3:1 (1:1)
Hakamlar: Olim To‘ychiboyev, Ismoil Tolibjonov, Amoriddin Saidov.
Gollar: Shohnazar Norbekov (5), Sobit Sindarov (74) , Sardor Azimov(80) - Davron Farhodov (45).
“Qo‘qon-1912”: Muzaffar Abdullayev, Bobur Akbarov, Avaz Mamatxo‘jayev, Oybek Rustamov (Iqbol Malikjonov – 67), Farhod Bekmurodov (Sobit Sindarov – 60), Rustam Abduhamidov (Azamat Isroilov – 71), Muhammadanas Hasanov (Sardor Azimov-55), Aleksandr Merzlyakov (Shoxrux Xolmatov – 76), Shohnazar Norbekov (Sardor Yetovqo‘ziyev – 76), Mo‘min Meliyev, Murod Xolmuhammedov (Muhsin Normatov – 76).
Zaxira: Xurshid Xo‘jayev, Eldor Adhamov.
“Andijon”: Anvar Nazirov, Muhammadali Tursunov, Islom Mamatkazin, Abdulatif Oybekov, Ahmad Muqimjonov, Shukur Po‘latov, Shoxrux Rahmiddinov, Asad Karimov, Muhammad Umarov, Davron Farhodov, Izzat Abdulhaqov.
Zaxira: Faxriddin Ahmadov, Muhammadali Jo‘rayev, Abduvosit Vositxonov, Aburayhon Orifjonov, Odil Rustambekov, Hojiakbar Mo‘minov, Boburmirzo Nizomov.
