Londonning «Tottenhem» klubi Angliya klubogi 1/16 final bahsi doirasida «Uikomb»ni yirik hisobda taslim etganidan xabaringiz bor (4:1).
Uchrashuvda «shporlar» a’zosi Garet Beyl maydonni golsiz tark etmadi. U birinchi bo‘limda hisobni tenglashtiruvchi aniq zarba muallifiga aylandi.
Qayd etish kerak, uelslik forvard ushbu turnir doirasida 8 yil deganda ilk bor o‘z nomini tabloga yozdirib qo‘ydi. U oxirgi marta 2013 yilda «Koventri» darvozasiga to‘p kiritgan edi.
Ma’lumot uchun, Beyl joriy mavsum «Tottenhem» safida 13 ta o‘yinda maydonga tushib 4 marta raqiblari darvozasini aniq ishg‘ol etgan.
