Hamyurtimiz Jasurbek Jaloliddinov faoliyatini Yevropa yoki Yaqin Sharqda davom ettirishi mumkin. Bu haqda uning huquqlarini himoya qiladigan agent Yuriy Belous ma’lum qildi.
Yakshanba kuni Jaloliddinov "Tambov"ning RPLda ishtirok etadigan ro‘yxatidan chiqarib yuborildi. Tambovliklar hamyurtimizni o‘tgan yilning oktyabr oyida Moskvaning "Lokomotiv" klubidan mavsum oxiragacha ijaraga olgandi. 18 yoshli yurtdoshimiz tambovliklar safida atigi bitta uchrashuvda maydonga tushdi.
"Jasurga Yaqin Sharq va Yevropadan takliflar bor. Variantlarni ko‘rib chiqyapmiz. Yevropada tez kunlarda transfer oynasi yopiladi, shu sababli, yaqin kunlar ichida barchasiga oydinlik kiritib olamiz. Men buni to‘laqonli transfer bo‘lishini xohlardim, biz bu borada muzokaralarda gaplashganmiz. Rossiyaning juda ko‘plab klublari unga qiziqish bildirishmoqda, biroq, ularning aksariyati o‘z tarkiblarini legioner futbolchilar bilan to‘ldirib olgan, shu jumaladan "Lokomotiv" ham" - dedi Belous.
