Ҳамюртимиз Жасурбек Жалолиддинов фаолиятини Европа ёки Яқин Шарқда давом эттириши мумкин. Бу ҳақда унинг ҳуқуқларини ҳимоя қиладиган агент Юрий Белоус маълум қилди.
Якшанба куни Жалолиддинов "Тамбов"нинг РПЛда иштирок этадиган рўйхатидан чиқариб юборилди. Тамбовликлар ҳамюртимизни ўтган йилнинг октябрь ойида Москванинг "Локомотив" клубидан мавсум охирагача ижарага олганди. 18 ёшли юртдошимиз тамбовликлар сафида атиги битта учрашувда майдонга тушди.
"Жасурга Яқин Шарқ ва Европадан таклифлар бор. Вариантларни кўриб чиқяпмиз. Европада тез кунларда трансфер ойнаси ёпилади, шу сабабли, яқин кунлар ичида барчасига ойдинлик киритиб оламиз. Мен буни тўлақонли трансфер бўлишини хоҳлардим, биз бу борада музокараларда гаплашганмиз. Россиянинг жуда кўплаб клублари унга қизиқиш билдиришмоқда, бироқ, уларнинг аксарияти ўз таркибларини легионер футболчилар билан тўлдириб олган, шу жумаладан "Локомотив" ҳам" - деди Белоус.
