«Inter» bosh murabbiyi Antonio Konte Italiya kubogining chorak finali (2:1) o‘yini vaqtida Romelu Lukaku va Zlatan Ibrahimovich o‘rtasidagi kelib chiqqan ziddiyat haqida fikr bildirdi.
«Ochig‘ini aytganda men ham futbolchi bo‘lganman, shuning uchun, o‘yin davomida g‘azab alangalashi va nizoli vaziyatlar paydo bo‘lishini bilaman. Bunday holatda g‘azabingizni jilovlash muhimdir. Romelu e’tibor markazida bo‘lgani yaxshi.
Ibragimovichda g‘olib jangchi qiyofasini ko‘rish mumkin va menimcha, Romelu ayni shu jihatdan o‘sib bormoqda. Rostini aytsam, Lukakuni shunday ishtiyoq bilan ko‘rganimdan xursandman»- deydi mutaxassis.
Eslatib o‘tamiz, uchrashuvning birinchi bo‘limi oxirida «Milan» himoyachisi Alessio Romanyoli Lukakuga nisbatan qo‘pollik ishlatgan va bu belgiyalikning noroziligiga sabab bo‘lgan. Voqeaga esa Ibragimovich aralashgan.
