«Интер» бош мураббийи Антонио Конте Италия кубогининг чорак финали (2:1) ўйини вақтида Ромелу Лукаку ва Златан Ибраҳимович ўртасидаги келиб чиққан зиддият ҳақида фикр билдирди.
«Очиғини айтганда мен ҳам футболчи бўлганман, шунинг учун, ўйин давомида ғазаб алангалаши ва низоли вазиятлар пайдо бўлишини биламан. Бундай ҳолатда ғазабингизни жиловлаш муҳимдир. Ромелу эътибор марказида бўлгани яхши.
Ибрагимовичда ғолиб жангчи қиёфасини кўриш мумкин ва менимча, Ромелу айни шу жиҳатдан ўсиб бормоқда. Ростини айтсам, Лукакуни шундай иштиёқ билан кўрганимдан хурсандман»- дейди мутахассис.
Эслатиб ўтамиз, учрашувнинг биринчи бўлими охирида «Милан» ҳимоячиси Алессио Романьоли Лукакуга нисбатан қўполлик ишлатган ва бу белгияликнинг норозилигига сабаб бўлган. Воқеага эса Ибрагимович аралашган.