“Liverpul“ bosh murabbiyi Yurgen Klopp Frenk Lempardning ishdan bo‘shatilishi to‘g‘risida gapirdi.
“Men Tuxelga hech qanday maslahat bermayman. Lempard ishsiz qoldi. Aytishim kerakki, bu qiyin lahza. “Chelsi“da muvaffaqiyat qozonasiz yoki ishdan bo‘shaysiz. Mening fikrimcha, “Chelsi“ transfer bozorida juda yaxshi ishladi.
Shunchaki, jamoaga vaqt kerak edi. Bunday qarorni juda erta qabul qilish shafqatsizlikdir. Abramovich doim imkoniyat beradi biroq, u dunyodagi eng sabrli odam emas. Tuxel ajoyib murabbiy, men uni juda hurmat qilaman. U eng yaxshi tarkibga ega jamoaga keldi.
“Chelsi“da qarorlarni futbol olamidan tashqaridagi odamlar qabul qiladi. Jamoa o‘tgan mavsum namoyish etgan o‘yinda futbol ahli aniq rejani ko‘rishardi. Frenk yosh murabbiy uchun juda ko‘p ish qildi. Agar xohlasa, u qaytib keladi» - dedi Klopp.
