Italiyaning «Atalanta» ustozi Jan Pyero Gasperini Italiya Kubogining 1/4 final doirasida «Lasio» (3:2) ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Juda quvnoq o‘yin bo‘ldi, to‘g‘rimi? Hisobda oldinga chiqib olganimizda ko‘plab xatolarga yo‘l qo‘ydik va o‘zimiz xohlagandek yaxshi o‘yin namoyish eta olmadik.
Ikkinchi bo‘lim biz uchun g‘ayrioddiy bo‘ldi, qizil kartochka hamma narsani qiyinlashtirgandek tuyuldi, lekin undan keyin biz gol kiritdik, keyin penalti ishladik, so‘nggi 10 daqiqa esa mashg‘ulotlarimizdagi himoyaviy amallarimizga o‘xshadi.
Yarim finalga yo‘l olish – katta natija. Ushbu turnirda ko‘proq narsaga erishishni xohlaymiz», – dedi murabbiy.
