Yarim himoyachi Aziz Turg‘unboyev "Paxtakor" futbolchisiga aylandi.
"Paxtakor" va "Navbahor" futbol klublari o‘rtasidagi kelishuvga binoan Aziz Turg‘unboyev "sherlar" safiga transfer qilindi. 27 yoshli futbolchi hozirgacha Superligada 110 o‘yinda ishtirok etib, 26 gol muallifiga aylangan. "Paxtakor" va Aziz Turg‘unboyev o‘rtasida ikki yillik shartnomaga imzo chekildi. Shu tariqa endi hujumkor yarim himoyachi "Paxtakor" sharafini himoya qiladi.
"Paxtakor" futbol klubi Aziz Turg‘unboyevni jamoamizga o‘tishi bilan tabriklaydi. Umid qilamizki, u "Sherlar" safida yangi g‘alabalar va sovrinlarga ega chiqadi.