“Neradzurrilar“ hujumchisi Lautaro Martines klubi bilan amaldagi shartnomani uzaytirish niyatida.

U rahbariyatning o‘ziga nisbatan bildirayotgan ulkan ishonchidan mamnun. “Biz yangi bitim borasida o‘zaro ijobiy tomonlama muzokaralar olib boryapmiz. Men Milanda baxtliman. Sheriklarimning ham menga nisbatan munosabati o‘zaro iliq ohangda.

Murabbiy ishonch bildirayotgan ekan, demak men “Inter“ uchun maksimal o‘ynab beraman“, - deydi Lautaro.

Eslatib o‘tamiz, argentinalik futbolchini bundan avvalroq Kataloniyaning “Barselona“ klubi o‘z safiga qo‘shib olishga harakat qilib ko‘rgan edi.