«PSJ» hujumchisi Mauro Ikardining uyiga shanbadan yakshanbaga o‘tar kechasi o‘g‘rilar kirishdi. Bu haqda "L’Equipe" xabar tarqatdi.

Argentinalik futbolchi bu vaqtda jamoasi bilan «Loryan»ga qarshi safardagi o‘yin  (2:3) uchun yo‘l olgan edi. Manbaga ko‘ra, o‘g‘irlab ketilgan mulkning umumiy qiymati taxminan 400 ming yevroga teng bo‘lgan.

Ikardining uyida ishlovchilar yakshanba kuni ertalab ba’zi narsalar yo‘qolib qolganini sezib, o‘g‘irlik sodir bo‘lganini bilishgan.

Eslatib o‘tamiz, o‘tgan haftada «PSJ» darvozaboni Serxio Rikoning uyi tunab ketilgan edi. O‘g‘irlik natijasida uning 25 ming yevro pulini, soatlar va tilla taqinchoqlar olib chiqib ketishgan.