Italiya A Seriyasining 21 turi doirasida «Fiorentina» «Inter»ni qabul qildi. Florensiyadagi «Artemio Franki» stadionida bo‘lib o‘tgan bahs mehmonlarning g‘alabasi bilan yakunlandi.

Dastlab, Aleksis Sanchesning uzatmasidan so‘ng, milanliklar a’zosi Nikolo Barella 25 metrlardan o‘ng oyog‘i bilan, to‘pni pastki o‘ng burchakka yo‘llab, hisobni ochdi.

Keyinchalik, 52-daqiqada «Inter» Ivan Perishichning sa’y-harakatlari evaziga hisobni ishonchli ko‘rinishga olib keldi. Ashraf Hakimiyning raqiblaridan osonlikcha qochib ketib, jarima maydonchasi tomon uzatgan uzatmasini xorvatiyalik hujumchi golga aylantirdi.

Shu tariqa, «Inter» 47 ochko to‘plab, A Seriyada birinchi pog‘onaga ko‘tarildi. 22 ochko jamg‘argan «Fiorentina» esa 12-o‘rinda bormoqda.

Italiya A seriyasi, 21-tur
Fiorentina – Inter 0:2 (0:1, 0:1)
Gollar: 0:1 – 31 Barella, 0:2 – 52 Perishich.
Fiorentina – Drongovski, Venuti (Malkyui, 73), Martines, Pesselya, Igor Julio, Biragi (Barreka, 82), Bonaventura, Amrabat, Esserik (Pulgar, 74), Vlaxovich (Kokorin, 74), Valero (Kuame, 46).
Inter – Xandanovich, Shkrinyar, de Vrey, Bastoni, Xakimi, Barella, Brozovich, Vidal (Galyardini, 46), Perishich (Darmian, 80), Lukaku (Pinamonti, 89), Sanches (Martines, 62).
Ogohlantirishlar: Perishich (42), Amrabat (60), Martines (75), Pulgar (81).