Италия А Сериясининг 21 тури доирасида «Фиорентина» «Интер»ни қабул қилди. Флоренциядаги «Артемио Франки» стадионида бўлиб ўтган баҳс меҳмонларнинг ғалабаси билан якунланди.

Дастлаб, Алексис Санчеснинг узатмасидан сўнг, миланликлар аъзоси Николо Барелла 25 метрлардан ўнг оёғи билан, тўпни пастки ўнг бурчакка йўллаб, ҳисобни очди.

Кейинчалик, 52-дақиқада «Интер» Иван Перишичнинг саъй-ҳаракатлари эвазига ҳисобни ишончли кўринишга олиб келди. Ашраф Ҳакимийнинг рақибларидан осонликча қочиб кетиб, жарима майдончаси томон узатган узатмасини хорватиялик ҳужумчи голга айлантирди.

Шу тариқа, «Интер» 47 очко тўплаб, А Серияда биринчи поғонага кўтарилди. 22 очко жамғарган «Фиорентина» эса 12-ўринда бормоқда.

Италия А серияси, 21-тур
Фиорентина – Интер 0:2 (0:1, 0:1)
Голлар: 0:1 – 31 Барелла, 0:2 – 52 Перишич.
Фиорентина – Дронговски, Венути (Малькюи, 73), Мартинес, Пеццелья, Игор Жулио, Бираги (Баррека, 82), Бонавентура, Амрабат, Эссерик (Пульгар, 74), Влахович (Кокорин, 74), Валеро (Куаме, 46).
Интер – Ханданович, Шкриньяр, де Врей, Бастони, Хакими, Барелла, Брозович, Видаль (Гальярдини, 46), Перишич (Дармиан, 80), Лукаку (Пинамонти, 89), Санчес (Мартинес, 62).
Огоҳлантиришлар: Перишич (42), Амрабат (60), Мартинес (75), Пульгар (81).