Angliya premer ligasining 23-turidan o‘rin olgan bahsda, «Liverpul» o‘z maydonida «Manchester Siti»ga yirik, 1:4 hisobida mag‘lubiyatga uchradi.
Ushbu o‘yin «qizillar»ning chempionat doirasida o‘z uyidagi ketma-ket uchinchi mag‘lubiyat bo‘ldi. Mersisayd klubi bunday ko‘rsatgichni 1963 yildan beri yana qayd etdi. Ya’ni jamoa 58 yildan buyon «Enfild»da qatorasiga 3 o‘yinda mag‘lub bo‘lmagan edi.
Avvalroq, Yurgen Klopp shogirdlari uyda «Brayton» (0:1) va «Byornli» (0:1) bilan o‘yinda imkoniyatni boy bergan edi. Umuman olganda, «Liverpul» o‘z maydonida ketma-ket o‘tgan 5 uchrashuvda g‘alaba qozona olmadi. 3 mag‘lubiyat va 2 durang.
