Italiya A Seriyasining 22-turi doirasida “Roma” hamda “Udineze” jamoalari o‘zaro to‘qnash kelishdi.

Rimda kechgan qizg‘in bahsda “bo‘rilar” mehmonlar ustidan 3:0 hisobida zafar quchishdi. Ushbu uchrashuvda, “Roma” tarkibida Jordan Veretu dubl qayd etgan bo‘lsa, Pedro Rodriges o‘z golni bilan g‘alabani mustahkamladi.

Bugungi o‘yindan so‘ng “Roma” 43 ochko to‘plagan holda, turnir jadvalida uchinchi o‘ringa ko‘tarildi. Bugungacha 24 ochko jamg‘argan “Udineze” esa o‘n to‘rtinchi o‘rinni band etdi.

A Seriya 22-tur

Roma – Udineze 3:0 (2:0, 1:0)

«Stadio Olimpiko»

Gollar: 1:0 – 5 Veretu, 2:0 – 25, penalti Veretu, 3:0 – 90 Pedro.

"Roma" – Lopes, Karsdorp, Rojer, Manchini, Spinassola (Bruno Peres, 87), Vilyar, Kristante, Pellegrini (Diavara, 87), Veretu (Pedro, 78), Mxitaryan, Mayoral (Djeko, 69).

"Udineze" – Musso, Larsen (Molina, 62), Samir, Nyuytink, Zegelar (Auveyan, 74), Uolas (Nestorovski, 85), de Paul, Deulofeu, Arslan (Makengo, 74), Bonifasi, Lyorente (Okaka Chuka, 63).

Ogohlantirishlar:
Pellegrini (56), Veretu (71).