Angliya chempionatining 25-turi doirasida «Arsenal» o‘z «Manchester Siti»ni qabul qilib, kichik hisobda imkoniyatni boy berdi.

Uchrashuvning 2-daqiqasidayoq mehmonlar Rahim Sterling tomonidan urilgan gol evaziga hisobni ochishdi. Oradan 3 daqiqa o‘tib Sterling hisobdagi farqni oshirishi mumkin edi, ammo u yaqin masofadan darvozani ishg‘ol eta olmadi.

Taym tugashi arafasida "kanonirlar" hisobni tenglashtirishga yaqin kelishdi, ammo Belyerinning zarbasiga biroz aniqlik yetishmadi.

Ikkinchi bo‘limda xavfli vaziyatlar yaratish bo‘yicha ustunlik "shaharliklar" tomonida bo‘ldi, ammo gol urishga ularga nasib etmadi va hisob o‘zgarmadi.

Ushbu g‘alabadan keyin "Manchester Siti" o‘z ochkolarini 59taga yetkazib, peshqadamlikni mustahkamladi. "Arsenal" esa 34 ochko bilan 10-pog‘onada qoldi.

Angliya chempionati, 25-tur
Arsenal – Manchester Siti 0:1 (0:1, 0:0)
Gol: 0:1 – 2 Sterling.
Arsenal – Leno, Tirni, Xolding (David Luiz, 82), Mari, Belyerin, El-Nenni (Sebalyos, 86), Edegor (Lyakazett, 73), Saka, Jaka, Pepe (Smit-Rou, 73), Obameyang.
Manchester Siti – Ederson, Stounz, Ruben Diash, Joau Kanselu, Zinchenko, de Bryuyne (Gabriel Jezus, 63), Fernandinyo, Marez, Gyundogan, Sterling, Bernardu Silva.
Ogohlantirishlar: Bernardu Silva (51), Jaka (53), Joau Kanselu (64), Belyerin (87).