Ispaniya chempionatining 24-turi doirasida bo‘lib o‘tgan "Kadis"ga qarshi bahsda «Barselona»ning ochko yo‘qotishiga sabab bo‘lgan Kleman Langle uchrashuvdan so‘ng xafa holatda ko‘rindi.

Fransiyalik futbolchi stadionni tark etib, o‘z mashinasiga kelganida, bir necha nafar muxlislar uning yoniga suratga tushish uchun kelishdi. Muxlislardan biri videoga olgan vaziyatda Langle mashinada o‘tirgan holatda ko‘zyoshlarini zo‘rg‘a tiyib turdi.

Eslatib o‘tamiz, "Kadis" qarshi bahs so‘ngida Langle ehtiyotsizlik bilan harakat qilib, o‘z darvozasi tomon penalti belgilanishiga sababchi bo‘ldi. Natijada jamoa muhim 2 ochkodan mahrum bo‘ldi.