Toshkentning «Olimpik» jamoasi bosh murabbiyi Temur Kapadze Pro ligada Superliga yo‘llanmasi uchun qaysi klublar kurash olib borishi haqida gapirdi.

«Pro ligada «Olimpik»dan tashqari, yana bir qator klublar Superliga yo‘llanmasi uchun kurash olib borishadi. Jumladan, «Buxoro», «Dinamo» va «Neftchi» klublari asosiy da’vogar sanalishadi. Bu klublarning o‘z tarkiblariga qanday murabbiy va futbolchilarni taklif etayotganidan jamoaning asosiy maqsadi bilinib turibdi.

Qolaversa, ushbu uch jamoa ham Superliganing doimiy ishtirokchisi bo‘lib kelgan katta tarixga ega bo‘lgan jamoalardir. Qolaversa, «Sho‘rtan», «Istiqlol», «Oqtepa», «Xorazm», «Orol» singari bu ligani «ob-havosi»ni yaxshi biladigan klublar ham bor. Shunday ekan, yangi mavsumda yuqori o‘rinlar uchun kurash qizg‘in kechishi aniq», - deydi Temur Kapadze.