Bahor faslining birinchi oyi – mart mamlakatimizga futbol nasimlarini olib keldi. millionlab muxlislarimiz orziqib kutayotgan yangi mavsum eshik qoqmoqda. Yana 3 kundan so‘ng yangi yil hisobidan birinchi rasmiy o‘yin – Superkubok uchrashuvining shohidi bo‘lamiz. 9 mart sanasidan e’tiboran esa diqqat e’tiborimiz Superliga o‘yinlariga qaratiladi.

Mart oyi bayramlarga boy oy, lekin ISHQIBOZ uchun futboldan katta bayram yo‘q. “Metallurg” muxlislarining bu oydagi norasmiy bayramlari soni UCHta. Ulardan ikkitasi safarda – mamlakatimizning eng janubiy shaharlarida bo‘lib o‘tadi – Termiz va Muborakda. Muxlislarimizning barchasi mazkur safar uchrashuvlariga bora olishmasa-da, albatta qalban futbolchilarimiz bilan birga bo‘lishadi. Birinchi va uchinchi turlar oralig‘ida esa uyda “Bunyodkor” bilan o‘ynaymiz. Mazkur uchrashuvda esa muxlislar “Metallurg”ning O‘N IKKINCHI o‘yinchisiga aylanishiga ishonamiz.

Qadrli do‘stlar, ijtimoiy tarmoqdagi fidoyi muxlislarimiz! Mart oyida “Metallurg” jamoasi uchun muhim bo‘lgan kunlar boshqa kunlar taqvimi quyida suratda berilmoqda. Tavallud ayyomini qarshilaydigan futbolchilarimizni tabriklab qo‘yishni unutmang!

“Metallurg” matbuot xizmati