«Liverpul» bosh murabbiyi Yurgen Klopp xalqaro o‘yinlar uchun mart oyidagi tanaffus bekor qilinishi mumkin bo‘lgan vaziyat haqida fikr bildirdi.

«Biz shunday vaziyatga duch kelmoqdamizki, xalqaro o‘yinlar uchun o‘z terma jamoalariga yo‘l olgan futbolchilar safardan qaytgach, 10 kunlik karantinda bo‘lishadi. Bu esa umuman maqbul emas.

Men turli xil futbol assosiasiyalarining talablarini tushunaman, ammo hozirgi vaqtda biz barchani birdek rozi qila olmaymiz.

Futbolchilar o‘z klublarida maosh olishadi mening fikrimcha, shuning uchun bu yerda bizning manfaatlarimiz ustuvor bo‘lishi kerak», - deya ta’kidlaydi Klopp.

Avvalroq, Premyer-liga klublariga futbolchilar va klub ishchilari har qanday xorijiy safardan qaytib kelgandan so‘ng, belgilangan muddat karantinda bo‘lishi haqida xabarnoma yuborilgan edi.