Madridning "Atletiko" klubi bosh murabbiyi Diyego Simeone La Liga 26-tur doirasidagi "Real" (1:1)ga qarshi o‘yindan so‘ng o‘z fikrlarini bildirib o‘tdi.
"Atletiko" o‘yinning katta qismini nazorat qildi, himoyada ajoyib o‘ynadik va yaxshi vaziyatlarga ega bo‘ldik, ammo ularni golga aylantira olmadik va shu sabab muhim g‘alabani qo‘ldan chiqardik.
Chempionatdagi yetakchilik? Yakuniy nimadir deyishni xohlamayman, jamoamizning o‘yinida yetarlicha yaxshi tomonlarni ko‘ryapman, ammo mavsum so‘nggigacha hali ko‘p o‘yinlar bor", - deydi Simeone.
Ayni dam "Atletiko" turnir jadvalida 59 ochko bilan yetakchilik qilishda davom etmoqda.
