Muhim futbolchilar safga qaytdi.
«Yuventus» himoyachilari Matteys De Ligt va Jorjio Kyellini umumiy guruh mashg‘ulotlariga qaytishdi, deya xabar beradi Turin klubi rasmiy sayti.
Jamoa bugun mashg‘ulot olib borgan va unda ikkala futbolchi ham muammosiz ishtirok etgan. Katta ehtimol bilan De Ligt va Kyellini «Yuventus» ning «Portu» ga qarshi javob uchrashuvida tarkibga kiritilishi mumkin.
Eslatib o‘tamiz, jamoalar o‘rtasidagi Chempionlar Ligasi 1/8 final javob uchrashuvi ertaga, 9 mart kuni bo‘lib o‘tadi.