«Bavariya» bosh murabbiyi Xans-Diter Flik jamoasining «Verder» ustidan qozongan g‘alabasidan so‘ng (3:1) o‘z fikrlari bilan o‘rtoqlashdi.
«G‘alabamizni odatdagidek kutilgan voqelik sifatida qabul qildim. Bundan ham ko‘proq gollar urishimiz mumkin edi. Menga standart vaziyatdagi golimiz ancha manzur bo‘ldi. Bu vaziyatda Klozening mahorati xayolimdan o‘tdi. O‘tkazib yuborilgan goldan xafa emasman. Himoyamiz deyarli bexato o‘ynadi», - deydi Flik.
Eslatib o‘tamiz, 25 ta o‘yindan so‘ng «Bavariya» turnir jadvalida eng yaqin ta’qibchisidan 5 ochko ko‘p to‘plagan holda yetakchilikni qo‘liga olgan.
