"Manchester Siti" bosh murabbiyi Xosep Gvardiola Chempionlar Ligasi qur’a tashlash marosimi natijasi haqida fikr bildirdi.

«Evropaning sakkizta kuchli jamoalari qatoriga kirish men uchun sharaf. Yaqin orada men "Borussiya D"ning o‘yinlarini tomosha qilmadim. Ammo, navbatdagi xalqaro tanaffus paytida murabbiylar shtabimiz bunga e’tibor qaratadi. "Borussiya" chindan ham yaxshi jamoa.

Ular har doim pley-offning eng kuchli jamoalaridan biri bo‘lgan "Sevilya"ni musobaqadan chiqarib yuborshdi. Dortmund - bu noqulay klub, lekin qur’a savatchasidagi boshqa raqiblar ham shunday bo‘lar edi.

Menda ularning so‘nggi o‘yinlarini ko‘rish va tahlil qilish shuningdek, yangi murabbiy qo‘l ostida qanday o‘ynashlarini kuzatish uchun ikki hafta vaqt bor. Biz har doim ikkala o‘yinni ham yaxshi o‘tkazishga harakat qilamiz.

Agar chorak finaldan o‘tsak, yurishimizni davom ettiramiz, biroq ikkala o‘yinni ham raqib yaxshiroq o‘tkazsa, aynan u yarim finalga yo‘l oladi», - deya Gvardiolaning so‘zlarini keltiradi "shaharliklar" rasmiy sayti.

Eslatib o‘tamiz, «"Manchester Siti" "Borussiya D" bilan birinchi o‘yini 6 aprel kuni Manchesterda bo‘lib o‘tadi. Javob uchrashuvi esa 13 aprelga belgilangan. Ushbu juftlik g‘olibi yarim finalda "Bavariya" yoki "PSJ" juftligi g‘olibi bilan to‘qnash keladi.