"Манчестер Сити" бош мураббийи Хосеп Гвардиола Чемпионлар Лигаси қуръа ташлаш маросими натижаси ҳақида фикр билдирди.
«Европанинг саккизта кучли жамоалари қаторига кириш мен учун шараф. Яқин орада мен "Боруссия Д"нинг ўйинларини томоша қилмадим. Аммо, навбатдаги халқаро танаффус пайтида мураббийлар штабимиз бунга эътибор қаратади. "Боруссия" чиндан ҳам яхши жамоа.
Улар ҳар доим плей-оффнинг энг кучли жамоаларидан бири бўлган "Севилья"ни мусобақадан чиқариб юборшди. Дортмунд - бу ноқулай клуб, лекин қуръа саватчасидаги бошқа рақиблар ҳам шундай бўлар эди.
Менда уларнинг сўнгги ўйинларини кўриш ва таҳлил қилиш шунингдек, янги мураббий қўл остида қандай ўйнашларини кузатиш учун икки ҳафта вақт бор. Биз ҳар доим иккала ўйинни ҳам яхши ўтказишга ҳаракат қиламиз.
Агар чорак финалдан ўтсак, юришимизни давом эттирамиз, бироқ иккала ўйинни ҳам рақиб яхшироқ ўтказса, айнан у ярим финалга йўл олади», - дея Гвардиоланинг сўзларини келтиради "шаҳарликлар" расмий сайти.
Эслатиб ўтамиз, «"Манчестер Сити" "Боруссия Д" билан биринчи ўйини 6 апрель куни Манчестерда бўлиб ўтади. Жавоб учрашуви эса 13 апрелга белгиланган. Ушбу жуфтлик ғолиби ярим финалда "Бавария" ёки "ПСЖ" жуфтлиги ғолиби билан тўқнаш келади.
