Ispaniya La Ligasining 28-turi doirasida "Selta" va "Real" jamoalari o‘zaro kuch sinashishdi. "Balaidos" o‘yingohida kechgan bahs mehmonlarning 3:1 hisobidagi, ishonchli g‘alabasi bilan nihoyasiga yetdi.
Dastlab, madridliklar safida Karim Benzema dubl qayd etdi. Birinchi taymning o‘zida vigoliklar kiritilgan ikkita golga bir marotaba javob qaytara olishdi.
Ikkinchi bo‘lim nihoyalanib borayotgan bir paytda esa mehmonlar raqib darvazasiga uchinchi to‘pni ham kiritishdi va yakunda "Real" 3:1 hisobidagi g‘alaba bilan mehmonda 3 ochko ishlab oldi.
Shu tariqa, ushbu natijadan so‘ng, "qirollik klubi" 60 ochko bilan ikkinchi o‘rinni band etgan bo‘lsa, bugungacha 34 ochko jamg‘argan "Selta" o‘n birinchi pog‘onadan joy oldi.
"Selta" – "Real Madrid" 1:3 (1:2, 0:1). "Balaidos"
Gollar: 0:1 – 20 Benzema, 0:2 – 30 Benzema, 1:2 – 40 Santi Mina, 1:3 – 90 Asensio.
"Selta" – Vilyar, Aaron Martin, Malyo, Arauxo, Murilyo (Ferreyra, 84), Denis Suares, Tapiya, Mendes (Beltran, 84), Nolito (Solari, 71; Fontan, 90), Santi Mina, Aspas.
"Real Madrid" – Kurtua, Mendi, Varan, Nacho, Vaskes, Valverde, Kroos (Asensio, 71), Kazemiro, Modrich, Vinisius Junior, Benzema.
Ogohlantirishlar: Vinisius Junior (22), Tapiya (25), Kroos (39), Nacho (70), Denis Suares (78), Modrich (80), Solari (85).
