Bugun futbol bo‘yicha O‘zbekiston chempionatining Pro-liga bahslariga start berildi. Ahamiyatlisi, dastlabki o‘yinda MOQ qoshida tashkil etilgan «Olimpik» jamoasi safarda Farg‘onaning «Neftchi» klubiga qarshi bahs olib bordi.

«Istiqlol» stadionida kechgan bahsda jamoamiz O‘zbekistonning nomdor jamoasiga qarshi munosib bahs olib bordi. Shiddatli kurashlar ostidagi bahsda Temur Kapadze shogirdlari 0:0 hisobida durang natija qayd etishdi. Shu tariqa, olimpiyachilar debyut o‘yinini safarda qo‘lga kiritilgan 1 ochko bilan yakunladi.

Pro liga. 1-tur. 22 mart, dushanba
«Neftchi» – «Olimpik» 0:0
«Neftchi»: 45.Akbar To‘rayev, 2. Akmal Shorahmedov, 7.Sobit Sindarov (14.SHerzod Karimov, 69), 17.Abdulloh Olimov, 18.SHavkat Mullajonov, 21.A’zam Aliyev, 31.Saydullo Rahmatov, 44.Darko Stanoyevich, 71.Ruslan Roziyev (10.Sardor Abdunabiyev, 59), 91.Marko Obradovich (11.Izzatullo Abdullayev, 78), 99.Ulug‘bek Xoshimov.
«Olimpik»: 13.Hamidullo Abdunabiyev, 2.Saidazamat Mirsaidov, 4.Eldorbek Begimov, 6.Behzod Shamsiyev, 9.Temur Mamasiddiqov, 10.Farruhbek Muxtorov (15.Diyor Ramazonov, 79), 11.Otabek Jo‘raqo‘ziyev (77.Muhammadqodir Rahimberganov, 90), 17.Jaloliddin Sodiqov, 21.Muhammadaziz Ibrohimov, 23.Abdurauf Bo‘riyev (27.Javohir Abdualimov, 56), 37.Alisher Odilov.
Ogohlantirishlar: Shavkat Mullajonov 27,A’zam Aliyev 77, Sardor Abdunabiyev 90 – Abdurauf Bo‘riyev 30.

Ma’lumot uchun, «Olimpik» futbol klubi bu yilgi mavsumdan joriy etildi va bu o‘zbek futbolida yangi loyiha bo‘lib, asosiy maqsad Parij-2024 Olimpiya o‘yinlariga yo‘llanma olishga qaratilgan. Jamoa a’zolari ham shu yosh toifasiga mansub o‘yinchilardir. Maqsad – Parij-2024 Olimpiya o‘yinlariga yo‘llanma olish.